Determinación de los topónimos oficiales del concejo de Colunga - 08/01/2007

BOPA del 8 de Enero de 2007

Paseín a Carrandi

De la puerte l´ilesia Colunga, vamos a la capiella Loreto, tenemos güapes vistes dende ellí.

 Siguimos de frente ensín desviámos, pasamos detras del colexu públicu Braulio Vigón i enllegando a l´accesu a l´autovía, cruciamoslu con munchu procuru metiéndomos pol camín de frente que tién un lletreru que pón Covián.

 En llegando a l´asfaltu, viramos a la mandrecha. Pasamos enrriba l´autovía i enllegando a les primeres cases de Coceña, viramos a la manzorga. Vamos pasando pente cases, horros, cuadres, fuente, bebederu, llavanderu ....

 El taller de tractores de Gancedo, que de primeres fué de carros, pasámoslu pela cái d´atrás.

 Na capiella de Santa Lucía, descansamos un peacín nun bancu, comtemplamos El Picu Pienzu, bebemos un sorbiatín i pasando delantre la carpintería Ferrao, sigimos pela carretera.

 Na segunda curva, ya tá el desvíu a Carrandi, que n´otros tiempos fói capital del propiu conceyu.

 Nuna les primeres curves, esti montón d´ocalitos cortados i esta vista de Llastres.

De cuando en vez, volvemos la tiesta pa contemplar  les vistes.

...

...

Esti potreru, tá pergüapu.

Llegamos a l´ilesia Carrandi.

Pegoyos de l´horru de xunta l´ilesia.

Cases frente a la puerte del lláu del sur de l´ilesia.

 Ente l´horru i la que fué escuela de neñes, esti lletreru enseña el camín pa llegar a Soldemiguel.

Una pila lleñi pa escalecer bién la casa.

 La fuente La Santa, al entamar el camín al Puertu,

 Les primeres flores del añu, frente a la J.uenti La Santa.

 Pende sigui el camín, a Soldemiguel, que será tema pa otru díi.

 Monte Carrandi: Pienzu, Cordobana, Soldemiguel, ....

Pal pueblu de Piedrafita del Concellu de Maliayu

Piedrafita el mio Pueblín; con el pasu del tiempu paezme cada día mas guapín. En elli nació mio madre, sos  güelos y sos ancestros. En elli, tamién nací yo, xuntu con mis dos hermanos. Ye un pueblín, muy soleyeru, y tamién bastante aireau. Miramos pa Sanmartín,y pa la Fuente de

Fresnosa. Tamién miramos pa Sietes, pal Campón, y Perviyao, y pal monte de Tandión. Non vive en él muncha xente, pero pel mes de Agostu, xuntámonos los oriundos pa venerar la Santina, patrona de los güelinos,y tiramosi besinos.

El Refrán ye verdaderu. ''El páxaru''que escapó del so pueblu, buscando un mundu meyor, con el correr de los años, y te vas faciendo vieyu, más te acuerdes del to Pueblu,y préstate volver velu.

Un saludu, pa los que viven en pueblu, otru  pa los que están espardios per Avilés, per Xixón, per

Uviéu, o per un sitiu o per otru; a los que ya mos dexaren, ya non vamos poder velos. A otru día de Santa Lucía, -si estamos aca tovía-, vamos ver si mos xuntamos pa rezar todos por ellos y ofreceyos la homilía. Aprovecho la ocasión, pa quien quiera conocemos, y así faise mas montón, pos non somos mala xente. ''Güeno'', ¡de necios algunos igual andamos bizarros! ¡cómo de güen corazón!.

Un abrazu pal mio pueblu, y pueblos  de la rodiada, pos con el pasu del tiempu, ya los dientes van

cayendo y les oreyes creciendo, pos presta munchu encontrase y poder combalechase, así poder acordase de cuando dibes a la escuela,con madreñes de trachueles, o unes catiusques cortuques, que entraba el barru hasta dientro. Ah, pero si había plumíferos, y  de marca,´´SACU CAPIELLU´´

estos eren de dos clases: un ralu, y otru tupío; el ralu era el del salvau, el otru era del azúcar,... estos cuando los había.

Pa que no mos estresáramos, cuando salís de la escuela echavente  pa la yende, o co les vaces pal agua, y col burru de ramal. Esto si mos lo mandaben era por necesidá. Cuando no estaba muy moyáu, andábamos a los trotes, coles madreñes na mano pa llegar mas lluego a casa pa si acasu dir xugar.

Non pienses que ye mentira lo que acabo de cuntar, los que tienen los mios años, seguro se acordarán.

Si lo cuntara mio madre, esto non seria na,y si foren los mios güelos, entos seria pa llorar. Que non tenga que vivilo ninguna generación. Ahora teniendo de tou, estamos tul día importunos; antes con muy poca cosa estábamos bien contentos, pos teníamos alegría,de  lo que falta un migallu hoy en día.

El tiempu pasa tan depriesa... paez que el añu pasáu facíamos la Comunión. Pensar que en un momentu, si lleguen  con nos a tiempu, pónenmos la Extremaución, metenmos en un caxón y guardenmos en  requexu.

Ya non voy a cuntar mas. Tou aquello que pasó, a mi no se me olvidó. Non debemos de estiramos pa querer ser munchu más, pos non va tantu tiempu bañábomos en un barcal.

Maruja